Twentehoes: Meuiste dichtsel

Foto: Huus van de Taol

De streektaalmoand meert ligt wier achter oons. Tehoop met de Preveencie Oaveriesel he’w van allns op touw etzet zoo ok nen Poëziewedstried. ‘t Meuiste dichtsel is emaakt duur Cornelis Kapitein, geboren op Urk en ‘t hef ‘n titel “Teuskoemen”

Ok Urk heurt biej ‘t Nedersaksische taalgebied. Dit Nedersaksische taalgebied löp van Oost-Nederland, via Noordoost-Duutsland tot in zudelik Denemarken en tot an de greans met Polen. Duur zoowoor 5 miljoen leu wördt d’r noe noch in dit gebied ‘n variant van ‘t Nedersaksisch espröken. Nedersaksisch was in de middeleeuwen ok de voertaal van de Hanzesteden.’ n Handelsnetwerk dat bestun oet ca 200 steden in Europa.

Teuskoemen 
As je stille binnen, leuster je
Bij eenkanger eraapte aandacht
makt m’n eupen
Een zacht zoemen
duurklinkt et iele durp

Een skip vaort in et donker
De fokkelaamp braant,
d’aven in et zicht
de geur van et laand
duurspoelt m’n weezen

waor ik wezen wil
waor ik bin
om vort te goon
in terògge te koemen

Op de kade stoon minsen
ze binnen bleede
beneit nor de vangst
wat eaw je teus ebrocht
wie et je de weg ewiezen
welke koers eaw jie evoeren

Ik bin stille as ik leuster
Ik praot as ik woordloos bin
Ik bin aarbiedig
As de stimme prot
Die mij tot leven wekt.

Meer berichten